Skip to main content

Posts

Showing posts from 2018

Xujo fur (Kamaaludin Abshir)

Boowe xujo waad isaga magacawdaye, waxay tahay dareenkaaga cabbir. Ninyahow dareenka ugu foosha xun ee qof aadane ah dareemo waa rejo-beel, qofku haddii uu heerkaa gaaro, xitaa waxaa dhacda in uu nolosha aasaasiyaadkeeda dayaco, sida in uu cadayan waayo, qubaysan waayo, lebis iyo xarrago warkeedaba daa, waxaa uu noqdaa sida qof toogasho ku xukuman, waxaa uu sugaa maalinka tiirka la geyn doono. Boowe, Puntland tobankii sano ee u dambeeyey hoos u socod mooyee, horumar ma jirin, waxaana u aaneeyaa maqnaanshiyaha aragti la hiigsado, taas oo lagula xisaabtamo madaxda, shacabkuna ay bidhaansadaan gaariddeeda. Waad aragtayoo ardaygu marka uu waxbarashada ku jiro, waa isaga maalin walba  kusoo xisaabtama xiisadaha uu gelayo, isagoo soo eega jadwalka sanad-dugsiyeedka, markaa buugta iskuma soo raree, buugta maadooyinka maalintaas un buu soo qaataa. Shacabku ma garan karaan shanta sano ee soo socota maadooyinka ay kula xisaabtami lahaayeen madaxda u timid, sidaa awgeed mid walbaa

Howsha ka adag doorashada Puntland 2019 ee hortaal Xildhibaannada cusub ... (Faallo)

Sanadkaan xildhibaannimadii Puntland waxay gaartay heerkii ugu adkaa ee ay abid gaarto, beelaha qaar meel xun bay ka maraysaa, qaar waa ku kala dhinteen oo waxaa ay samaysteen duubab cusub, kuwana hadda ayey u xusul duubanayaan in ay dhaqan cusub u cimaamadaan. Arrintaan waxaa ay khatar weyn ku tahay masiirka beelaha uu ka dhashay dhexdooda khilaafkaa xooggan, haddii aysan Puntland u guurin nidaamka axsaabtana waxaa ay u badantahay in la'isku laayo kuraasta golaha shacabka mustaqbalka dhow. Xildhibaannada kasoo baxaya beelaha isku khilaafay cidda la siinayo xubinimada sanadkaan, waa in aysan illaawin beelaha ay kasoo bexeen xaalkooda hoose, inta aanan la gaarin doorashada, waxaa ku qurxoon in ay fidiyaan gogol ay ku heshiisiinayaan beelohooda, "Jinni ninkii keenaa saaree", waa in ay garawsadaan darajada ay heleen in ay beelohoodu ku kala dhinteen, waajibna ku tahay in wixii sababtooda ku yimid ay xalliyaan, arrintaa oo ay dhagaha ka furaystaan, waxaa ay ififaale u t

Armay tahriibeyaashu talada heleen? (Faallo)

Saaxiibkay Abdi ayaa igasoo wacay messenger-ka Facebook, salaan iyo xog-waraysi kadib, waxaana uu ii sheegay in uu ereyada qaar ee Soomaaliga ah illaawayo, markii aan weydiiyey sababta ayuu ii sheegay in lagu sameeyey qalliin dhanka maskaxda ah oo lagasoo saaray buro ku taallay maskaxda. Xaaladda illowshaha ah ayaa caadi iska ah marka qofku maskaxda laga qalo, waxaana uu iigu bishaareeyey in uu maalmo kadib marka uu bogsado, caadigiisii ku noqon doono. Abdi ayaa kamid ah dhalinyarada ka tahriibtay Puntland sanadkii 2014, isagoo safar dheer oo silic iyo saxariir leh u maray in uu ku galo Yurub. Saaxiibkay Cabdullaahi ayaa isna ii sheegay in uu walaalkiis oo dhaawac ah ku geeriyooday isagoo dhabtiisa ku haya, waxaa uu iisheegay xitaa inuu waayey kalkaalin sifiican u gacan qabata dhaawaca, iska daa in uu helo dhakhtar badbaadiya Cabdullaahi Walaalkiis. Dhawaan ayey ahayd markii nin dhalinyaro ah Gaalkacayo ugu geeriyooday naqas (Oxgyen) la'aan, oo ah waxa ugu hooseeya ee la rabo

Maxay u damqan la'yihiin? (Sheeko dhab ah iyo farriin)

Aniga oo gaarigayga wata baa waxaan soo maray iskuul agtii, ardaydii oo xilligaa biririf qaadanaya ayaa waddada aan marayey yaaceysey, gabdho iyo wiilal ayaan sii dhex maray, waxaan dareensanaa in ay waddada aad ugu dhawaayeen oo gaariga aysan iska jirayn, anna dan kama gelin, hoonna u ma yeerine aayar baan iska dhex maray. Alleylehe markii aan kasii dhammaanayey baa waxaan maqlay gaarigii oo wax lagu dhuftay. Maskaxdayda waxaa ku jirtay faduul iyo ciyaar bay dhalinyaradu kula soo aadeen, aniga oo aad u caraysan baan gaarigii inta istaajiyey ka degey, canaan iyo qeylo baan dhalinyaradii kula dul dhacay. Mid kamid ah dhalinyaradii ayaa si adag iila hadlay oo yiri "maxaad noo jiirtay?". Asxaabtiisii qaar kamid ah ayaa aniga ii dejiyey oo raalli-gelin isiiyey, anna waan aqbalay raalli gelintii, yarkii qeylinayeyna uma jawaabin, gaarigeygii baan kusoo laabtay. Waxaan dareemayey in ay wax khaldanyihiin, waayo wiilkii ila murmayey, waxaa lugtiisa ka muuqday boor iyo taayarka

Tobanka xeer ee gundhigga u ah iibinta (Layaabka xeerarkaan lagu allifay, dhammaadka qormada ka eeg!)

(Layaabka xeerarkaan lagu allifay, dhammaadka qormada ka eeg!) 1. Marka 1aad, isu aqoonso in aad tahay qof leh qiime isla leh, aragtiyihiisuna ay dunida waxweyn ka bedeli karaan. 2. Ixtiraam maankaaga adigoo hal'abuurka kaasoo maaxda meel ku kaydinaya - Qor dee -. 3. Ilaasho, magacaaga ku qor. Iska ilaali burcad-fikradeedka yeysan kaaga habsan eh. 4. Dabbaal-deg marka aad aragti la yaableh kaasoo go'do. Ha'is quursan oo sidii CR7 u boodbood. Aayar dee si aanan laguula yaabin, hoosta ka dhaantee. 5. Ha seexan! Maskaxdaada tuuji, waxyaabo badan baa kugu duugan. 6. Soofee, qor-qor, laxami.... Wax macquul ah oo gadmi kara ka dhig 7. Faafi! Adiga oo fikirkaaga la wadaagaya un cidda fulin karta ee awooddeeda leh, ha'isku daalin maan-jiiska. 8. Wax la har! Waxaaga oo dhan ha fatihin, xoogaa meel ku qabbee. 9. Furo meherad aad ku iibisid xigmaddaada, soo saar macaamiil sii tafaariikheysa boqortooyadaada. 10. Lacagtu waa lagama maarmaan eh, Aragtiyahaagu haku biileen

Fadlan ha xanuunsan, dhaawacna yuusan ku gaarin! (Sheekooyin naxdin leh oo run ah)

Wiil yar oo aan dhalay baa aad caloosha looga qabtay, kadibna waxaan geeyey dhakhtar. Baaritaan kadib waxaa uu u qoray daawo, kadibna iisoo celi ayuu yiri dakhtarkii. Dawaadii sidaan ugu waday ayeyna dhammaatay, waxbana kama aysan bedelin xanuunkii. Dhaktarkii baan ku celiyey, waxaana uu ii sheegay in daawada dalka taal tahay mid tayo hooseysa. Sidaa waxaa yiri saaxiibkay Xuseen oo aan galabtay wada casariyeynay. Oday kale oo isna nala fadhiyey ayaa wuxuu noo sheegay in dhakhtarkaasi qiray daawada tayada leh ganacsatadu aysan iibin sababo la xiriira qiimeheeda oo badan iyo ganacsatada oo aanan iyana xil iska saarin tayada. Habeen dhexdaas ah oo aan booqday Isbitaalka weyn, waxaa bukaankii aan u tagay agtiisa laga qaaday wiil ay dhaleen dad dan-yar ah kaas oo gaari ka dhacay, kadibna madaxa dhulka si xun ugu dhufsaday, xaaladdiisuna ay aad u xuntahay, sababta meesha looga qaaday ayaa ahayd in aysan joogin dhakhaatiir waxka qaban karta xaaladdiisa, sariirta uu jiifana lacag badan

Filinka "V for Vendetta" mawada ujili karnaa? (Faallo)

Ninka maaskaraatiga xiran ee sawirka ka muuqdaa waxaa uu ka mid ahaa maxaabiis lagu tijaabiyey daawo cusub, badankood maxaabiistii waxaa ay u dhinteen suntii daawada, marka laga reebo isaga oo aanan sunta u dhiman, balse jirkiisii oo dhan wuu is bedelay, waana tan keentay in uu jirkiisa oo idil uu qariyo, xitaa wajigga. Inta uu ku jiray xabsiga ayuu isu dhisay maskax ahaan iyo jir ahaan, waxaana uu go'aansaday in uu sameeyo kacdoon ka dhan ah dowladdii sidaa u gashay oo ahayd kaligii talis, taas oo aanan wax xorriyad ah u ogoleyn dadkeeda. Waxaa uu samaystay shakhsiyad la magac baxday xarafka "V", waxaana uu diyaariyey qorshe uu ku sameeyo kacdoon weyn. Maalin qaranku xuso oo ku aaddan 5ta November ayuu si xoog ah ku qabsaday TV-ga dalka dhan laga daawado si uu farriintiisa ugu gudbiyo shacabka, waxaana ay ahayd sidan: "Galab wanaagsan, Marka 1aad ka raalli ahaada arbushka aan idinlasoo galay, sidiinna oo kale laftigaygu waxaan jeclahay nolosha maalinlaha ah

Sanadka fuustadee dilin-dillaynaysaa? (Bal waxa dhacaya eega!)

Fiidnimadii xalay anigoo meel meherad ah oo asxaabtayda aan ku ballansanayn ku sugaya baa waxaa xoogaa yar kadib soo fariistay meheradii nin saaxiibbo aan nahay. Waan is waraysannay, waxaana ku ogaa inuu murashixiinta nin kamid ah la shaqaynayey. Waxaa uu ila wadaagay halka ay wax u marayaan, sidoo kale waxaa uu ii sheegay rag saaxiibbadii ah inay hadba murashax u guurayaan oo qaarkood ayba isu mareen afar murashax. Igusoo qalloociyoo, wuu ii sarbeebay isagoo leh! "Sanadka fuustadee dilin-dillaynaysaa?" Isagoo ula jeeday murashaxee sanadkan taageersantahay? Kamaba waaline waxaan iri sanadka fuursatada weeyn baan dilin-dillaynayaa, anigoo u jeeda inaan Puntland lafteeda u ololeynayo, halkii aan u ololeyn lahaa shakhsi. Aysanna soconayn wax la yiraahdo "Hebeloow halagusoo yaaco". Intaa kaftan haddii aanku daayo. Bal aan isweydiinno: Maxay Puntland ku sugantahay? Maxaa sababay? Maxaa xalku yahay? Sideese lagu gaari karaa? 1. Maxay Puntland ku sug

Ama Buurta tiigso, ama Booraanta deg! (Isdhiirrigelin)

Waxka macaan ma jiraan subaxdii inaad soo toosto adigoo himilo weyn ka shaqaynaya. Waxaa ay ku siinaysaa xamaasad iyo firfircooni, waxaadna ogaanaysaa in noloshaadu micne weyn ku fadhido, aadna tahay iftiin kamid ah kuwa dunida u nuurinaya aadanaha. Haddaad is leedahay alleylehe waxweyn oo i riixaya ma jiraan ama waa ay ila yartahay waxa aan  u jarmaadayo, samayso imikaba himilo weyn. Himilada weyn waxaa ay ka timaadda garaad mug weyn, waatii horey loo yiri "Qofka garaadka sarreeya waxaa uu maankiisu rog-rogaa aragtiyo waaweyn". Tusaale, Aqoonta aad baratay ama waayo-aragnimada aad leedahay adigoo wax ku dhisaaya ka feker dhibaatooyinka dunida ama dalkaaga haysta, kadibna raadi xalka dhibtaas taagaan. Kuwa dunida kusoo kordhiyey hal'abuurrada waaweyn waa ay qabeen baqdinta aad qabtid ee ah "amaa lagugu qoslaa, amaa lagaa maadaystaa, amaad aad fashilantaa, amaa... amaa...". Oraah carbeed baa micneheedu ahaa "Ninka aanan jecleysan tafidda buuraha, waligii

See dareemeysaa?

Xanaaq, gaajo, welwel, cidlo, rajo-xumo ama farxad, kalsooni, han sarreyn, guul. Intuba waa dareen isbed-bedela oo hadba xaalad baan ku sugannahay. Sidaa awgeed oraahdii ahayd "Adigoo faraxsan ballan ha qaadin, adigoo xanaaqsanna go'aan ha goosan" waxay na baraysaa inaan noloshayada iyo go'aammada aan qaadanayno ku dhisin dareen. Waxaa isweydiin leh, maxaan hadaba noloshayada ku dhisnaa? Waxaa jirta oraah kale oo leh "Rag waxaa ugu liita Matoshe, Ma tashade iyo Ma tashiishe". Sadexdaan nin waxaa lagu ceebeeyey in aysan lahayn aragti fogaan oo midwalba uu ku sifoobay maangaabnimo ah in uusan aragti fog lahayn ee uu iska noolyahay bilaa ujeed. Halkaa waxaan kalasoo baxnay muhiimmada jiritaanka qofka in ay ku xirantahay hadba qofku inta uu aragti leeyahay, waxaana lagusii kala tagay hadba inta qofba qofka kale ka aragti fogyahay. Ninbaa aragtidiisu tahay "Guri cad, gaari cad iyo gabar cad". Ninna aragtidiisu waa "Boqortooyada aysan qorrax

ISU-DHIIB, HAKUU DHIIBEENE… (Faallo)

"Waxaad heshey barwaaqadii Maraykanka, nolol wanaagsan, booliska ku ilaaliya iyo maxkamado xuquuqdaada difaacaya, umaadan baahan saaxiib anigoo kale ah. Maantay waad ii timid adigoo leh Don Corleone cadaalad baan kaaga baahanahay, balse si ixtiraam leh iima aadan weydiisan, saaxiibtinimo iima aadan muujin, xitaa magacaygii iyo maamuuskeygii iiguma aadan yeerin. Kaliya waxaad iigu timid inaad lacag igu siiso si aan kuugu aar-gudo. Maxaan kuu dhimay oo aad sidaa iigu bah-dilaysaa? Maxaa kuu diiday inaad si saaxiibtinimo ah ii weydiisato codsigaaga, anna aan cadowgaaga kaa dhiciyo oo ay kaa baqaan". Isagoo hoos eegaya, is dhul-dhigaya ayuu wuxuu ku yiri "Waayahay ma ila saaxiibaysaa Abaaga Weynaayow? oo inta gacanta midigt ah ka dhunkaday weyneyn iyo ixtiraam awgii, sida sawirka ka muuqata". "Hagaag! Maalin baan kuu baahan doonaa, maalintaas waa inaan ku helaa, inta ka horreysa, codsigaagii waan aqbalay, howshaadana waan kuu dhammaynayaa". Waa wa

Film-ka Mine & Dhalinyarada Aqoonyahanka maxay isaga egyihiin (Faallo)

Sida sawirka idinkaga muuqata, waxaad aragtaa askari Maraykan ah, magiciisu waa Mike, waxaa uu dhafoorka iska saaray baaskoolad, isagoo raba inuu is dilo. Askarigan waa baydari ama shiishyahan loosoo asteeyey shaqo ah inuu Ciraaq ku dilo nin ay aad udoonaysay dowladda Maraykanka. Shaqadii loo igmaday ayaa fashilmatay kadib markii ay seegeen yoolkoodii, waxaana ay usoo carareen meel ay ku gabbaadaan isaga iyo askari saaxiibkiis ah. Waxaana ay si kadis ah kusoo galeen dhul saxare ah oo wada miinaysan, saaxiibkiis ayaa miino ku istaagay, kadibna way ku qaraxday, lugna waa ay goysay. Isaguna waxaa uu ku istaagay miino kale. Waxaa uu la xiriiray kooxdii badbaadin lahayd ee meesha keentay, waxaana loo sheegay in muddo 52 saacadood ay ku qaadanayso in loo yimaado. Waxaa uu isku dayey inuu kala furo miinadii, waana uu ku fashilmay, nafsaddiisina waa ay is dhiibtay, waxaana la foolxumaatay inuu si foolxun ugu dhinto saxaraha, waxaa maskaxdiisa hor imaanayey farriimo xusuus ah isagoo qo