Barashada xifadda hal'abuurka

"Hal'abuurku waa caqliga oo laga shaqeysiiyo iyada oo lagu foogganyahay arrin, si loo gaaro aragti cusub" ~ Dr. Daariq Suweydaan

Haddii aad tahay shaqaale ama hantiile, mar walba shaqada aad qabanaysid kama maaranto hal'abuur. Haddii aad tahay xirfadle, iyaduna xisaabta kuma jirto oo waxaa waajib ah in marwalba aad ha'abuur la timaaddo. Haddii aad tahay abwaan ama fannaan, iyana hal'abuurku waa sheyga keliya ee ay dadku kaaga aqoonsan karaan qeyrkaa, inta aad wax curin kartidna ay tahay masaafada idiin dhaxaysa tiigsiga figda sare. Haddii aad tahay qof caadi ah, iyana hal'abuurku waa lagama maarmaan, si noloshaadu u fududaatana, waxa aad u baahantahay in aad carisid maskaxdaada oo aad hal'abuur la timaadid.

Si aynu ugu dhawaanno u jeedka, hala'abuurku muxuu ugu dambeyn tarayaa? Hal'abuurku waxa uu kaa caawinayaa in aad fududeysid wax adkaa, ama aad soo dhaweysid wax fogaa, in aad saxdid wax khaldanaa, ama aad qurxisid, wax foolxumaa, in aad nidaamisid, wax isku daadsanaa, ama aad wax tayo darnaa, tayeysaa, in aad wax culays badnaa aad sahashid (kharash, juhdi iyo culeys kale) Intaa oo dhan waxaa la rabaa in aad marwalba ilaaliso tayadii iyo nuxurkii. Waxaa iyana muhiim ah in fahanka dadka aad wax u qabanaysid aad tixgelisid oo wax aysan fahmayn ama ku adag aadan u keenin.

Hab fikirka aad ka duuleysid waxa uu u baahanyahay in caqligaagu dib ugu noqdo carruurnimadii oo dhiifoonaantii iyo faduushii yaraanta aad ku hubeysantahay. Wax badan oo la qaayibay waxaa raajiya in la waayo cid faragelin ku samaysay, ku falaadda, ku feegaarta, qalaaba rogta, hadba doc ka eegta, mar u dhawaata, marna ka durugta, marba si u fidisa oo ku fasaxda dareen fajacsan oo aad ugu fagiiga. Baqdin la'aanta iyo u adkeysi dhaleeceynta caayibka ka qatan raaxada shaqada iyo naf u diyaarsan in ay jibaaxdo, iyana waa laf dhabarta aad ku taagantahay.

Ugu dambeyn, ma jiro wax mar qura dhammays noqdee, waxa aad u baahantahay marwalba in ay jidho qabyo aad dhiseyso, marna aad ku qarweyso adiga oo toos-toosinaya, sida qolyaha software-ka ku shaqeeya ay ugu riyoodaan xallinta caqabaddii code ee hakisay, adna in aad u maqantahay qabyadaada oo aad ka xorowdo baagamuudada maanka iyo gacanta.

Comments

Hardanka Puntland: Ballaarinta saamileyda siyaasadda iyo arki jire doon

Inkastoo aanan ogeyn waxa u qarsoon saaxiibbadii shalay/cadowga maanta, misana waxa aan isku dayeynaa in aan akhrinno doodaha miiska saaran, si aan u fahanno waxa kicinka keenay. Tan iyo dhaqaajintii nidaamka axsaabta Puntland, waxaa soo noolaanayey himiladii Reer Puntland ay ka qabeen in dadku codkooda ku doortaan cidda ku meteleysa goleyaasha siyaasadda. Waxa aynnu wada xusuusannaa sida dadku usoo ajiibeen saddexdii degmo ee lagu billaabay nidaamka. Inkastoo haka uu galay dhammaystirka qabsoomidda doorashooyinka degmooyinkii kale ee Puntland, misana dadku waxa ay muujiyeen rabitaan aanan la dhayalsan karin, taas oo aynu wada arkeynay sida dadku u codeyneyeen oo kormeerayaalkii Caalamiga ahaa ay qireen in dadkaanu yihiin kuwo aad mooddo in ay weligood wax dooran jireen. Casharraddii quruxda badnaa ee aynu ka barannay waxaa kamid ahaa murashixiinta ururrada oo wareegaya xaafadaha, qaarkoodna ayba wateen warbaahin soo tebinaysa codsiyada ay bulshada ku weydiisanayeen in ay codkooda si

Waligaa ma isla fariisatay?

Imta meel gaar ah tagtay, shubatay shaah ama cabitaan aad jeceshahay, mala sheekeysatay naftaada? Waa caadada nafta marka ay cidlooto in ceebeheeda iyo gaabiskeeda ay kusoo deg-degaane, inta dhagaha ka laabatay maskaxda maku jiheysatay wixii laandheerenimo ahayd oo aad qeyb kasoo noqotay amaba aad hoggaaminaysay? Wax weynba adigoo aanan raadin ma isasoo xusuusisay iyadoo dadku ay geesaha ka marayaan qof caawimaad u baahan aad keligaa isu xilqaantay gobanimada kaa buuxda awgeed. Ama maalin aad u hiillisay mid walaalkaa ah ama saaxiibkaa ah oo la caddibayo, sida malag lasoo diray inta cirka kasoo degtay, u fidisay gurmad uusan fileyn. Dagaalka nafeed ee qof waajahayo waa kan ka socda labadiisa dhegood dhexdooda (maskaxda), taas oo uu ku rabbeeyo in ay taageeraha u weyn noqoto, ayaa u sahleysa dhammaan dagaallada nololeed ee uu geli doono ka jabo keenideeda. Dadka aadanaha ka xusan ee wax un loogu hirto, waxa ay leeyihiin barbar dhan oo noloshooda kamid ah oo mugdi ah amaba uu gaabi

Ka bad-badintii Puntland lagu aasaasay!

Haddii aan soo koobo, Puntland laba lagu aasaasay. Dadkaa in ay salka dhigtaan iyo in dowladnimo Soomaaliyeed laga shaqeeyo. Marka aad sii eegtid xaal sida uu ahaa, qodobka 2aad ka badbadin baa lagu tilmaami karaa. Dad iyaguba soo qaxay oo wax badanna ku dhex labanyihiin in ay sidaa u fekeraan, waa waalli cas. Yeelkeede, la gaar dowladnimadii, maantana dalku waa isku aaddanyahay, waxa khaldanna waa nin howshiisii dayacay. Aasaaseyaashii Puntland waxaa qeyb ka ahaa dhaqankii oo badankood ah rag dhaxal ku yimid baa inoo jooga. Sideedana dhaqan waxaa kaalintiisu tahay arrin qabiil la xiriirta. Mana rumeysni qodobkaa ka badbadinta aan kusoo tilmaamay in ay iyaga ka timid. Haatan, Puntland mar walba oo wax dowladnimada la xiriira adkaato, ma saxbaa in dhaqanka lasoo geliyo? Haddiiba lasoo geliyeyse, dhaqanku awood ma u leeyihiin in ay arrin siyaasi ah furdaamiyaan? Anigu waxa aan qabaa malaha dhaqankeennu awooddaas. Eeg, waxa aan ka hadlayo waa awood, kama hadlayo odeyeyn iyo xaal mastu

Search This Blog