Skip to main content

Howsha ka adag doorashada Puntland 2019 ee hortaal Xildhibaannada cusub ... (Faallo)


Related image

Sanadkaan xildhibaannimadii Puntland waxay gaartay heerkii ugu adkaa ee ay abid gaarto, beelaha qaar meel xun bay ka maraysaa, qaar waa ku kala dhinteen oo waxaa ay samaysteen duubab cusub, kuwana hadda ayey u xusul duubanayaan in ay dhaqan cusub u cimaamadaan. Arrintaan waxaa ay khatar weyn ku tahay masiirka beelaha uu ka dhashay dhexdooda khilaafkaa xooggan, haddii aysan Puntland u guurin nidaamka axsaabtana waxaa ay u badantahay in la'isku laayo kuraasta golaha shacabka mustaqbalka dhow.


Xildhibaannada kasoo baxaya beelaha isku khilaafay cidda la siinayo xubinimada sanadkaan, waa in aysan illaawin beelaha ay kasoo bexeen xaalkooda hoose, inta aanan la gaarin doorashada, waxaa ku qurxoon in ay fidiyaan gogol ay ku heshiisiinayaan beelohooda, "Jinni ninkii keenaa saaree", waa in ay garawsadaan darajada ay heleen in ay beelohoodu ku kala dhinteen, waajibna ku tahay in wixii sababtooda ku yimid ay xalliyaan, arrintaa oo ay dhagaha ka furaystaan, waxaa ay ififaale u tahay in aysan wax badan ka bedeli-doonin siyaasadda iyo mustaqbalka Puntland ee ay go'aankeeda loo doortay.

Sida looga bartay labaatankii sano ee ay Puntland jirtay, golaha shacabku waxaa ay ahaayeen gole fadhiid ah, jeer ay noqotay xildhibaannimadu darajo "One time use" ah oo maalinka madaxweynaha iyo xigeenkiisa la dooranayo ay qiime ku fadhido, waxaana shacabka Puntland ay la qabsadeen waxqabad la'aanta golaha shacabka.


Xildhibaannada cusub ee lasoo xulay oo u badan dhallinyaro aqoonyahan ah, waxaa laga filayaa in ay ka duwanaadaan kuwii ka horreeyey, ayna jideeyaan dhaqan cusub oo ay uga daydaan goleyaasha ka dambeeya ee iiman doona - haddii loo guuri waayo nidaamka xisbiyada -, howsha ugu horreysa ee laga rabana ay tahay in ay sadaqada kasoo bilaabaan guryohooda oo ay beelihii ay ka dhasheen dhexdooda dhigaan islaaxin iyo dib u heshiisiin.

Gunaanad!

Sida aannu wada ogsoonnahay madnidaqadda geeska Afrika tobanka sano ee soo socota waxaa ay wajahaysaa isbedel waaweyn oo leh mid siyaasadeed iyo mid dhaqaale, Puntland-na waa mandiqadda ugu istiraatijisan geeska Afrika, xildhibaannada Puntland waxaa laga filayaa in ay noqdaan kuwo aragti fog oo dhagax dhiga Puntland Hoggaamisa Soomaaliya siyaasad ahaan, dhaqaale ahaan iyo horumar ahaan.

Comments

Popular posts from this blog

Hardanka Puntland: Ballaarinta saamileyda siyaasadda iyo arki jire doon

  Inkastoo aanan ogeyn waxa u qarsoon saaxiibbadii shalay/cadowga maanta, misana waxa aan isku dayeynaa in aan akhrinno doodaha miiska saaran, si aan u fahanno waxa kicinka keenay. Tan iyo dhaqaajintii nidaamka axsaabta Puntland, waxaa soo noolaanayey himiladii Reer Puntland ay ka qabeen in dadku codkooda ku doortaan cidda ku meteleysa goleyaasha siyaasadda. Waxa aynnu wada xusuusannaa sida dadku usoo ajiibeen saddexdii degmo ee lagu billaabay nidaamka. Inkastoo haka uu galay dhammaystirka qabsoomidda doorashooyinka degmooyinkii kale ee Puntland, misana dadku waxa ay muujiyeen rabitaan aanan la dhayalsan karin, taas oo aynu wada arkeynay sida dadku u codeyneyeen oo kormeerayaalkii Caalamiga ahaa ay qireen in dadkaanu yihiin kuwo aad mooddo in ay weligood wax dooran jireen. Casharraddii quruxda badnaa ee aynu ka barannay waxaa kamid ahaa murashixiinta ururrada oo wareegaya xaafadaha, qaarkoodna ayba wateen warbaahin soo tebinaysa codsiyada ay bulshada ku weydiisanayeen in ay codkooda si

Ka bad-badintii Puntland lagu aasaasay!

  Haddii aan soo koobo, Puntland laba lagu aasaasay. Dadkaa in ay salka dhigtaan iyo in dowladnimo Soomaaliyeed laga shaqeeyo. Marka aad sii eegtid xaal sida uu ahaa, qodobka 2aad ka badbadin baa lagu tilmaami karaa. Dad iyaguba soo qaxay oo wax badanna ku dhex labanyihiin in ay sidaa u fekeraan, waa waalli cas. Yeelkeede, la gaar dowladnimadii, maantana dalku waa isku aaddanyahay, waxa khaldanna waa nin howshiisii dayacay. Aasaaseyaashii  Puntland waxaa qeyb ka ahaa dhaqankii oo badankood ah rag dhaxal ku yimid baa inoo jooga. Sideedana dhaqan waxaa kaalintiisu tahay arrin qabiil la xiriirta. Mana rumeysni qodobkaa ka badbadinta aan kusoo tilmaamay in ay iyaga ka timid. Haatan, Puntland mar walba oo wax dowladnimada la xiriira adkaato, ma saxbaa in dhaqanka lasoo geliyo? Haddiiba lasoo geliyeyse, dhaqanku awood ma u leeyihiin in ay arrin siyaasi ah furdaamiyaan?  Anigu waxa aan qabaa malaha dhaqankeennu awooddaas. Eeg, waxa aan ka hadlayo waa awood, kama hadlayo odeyeyn iyo xaal mastu

Barashada xifadda hal'abuurka

 "Hal'abuurku waa caqliga oo laga shaqeysiiyo iyada oo lagu foogganyahay arrin, si loo gaaro aragti cusub" ~ Dr. Daariq Suweydaan Haddii aad tahay shaqaale ama hantiile, mar walba shaqada aad qabanaysid kama maaranto hal'abuur. Haddii aad tahay xirfadle, iyaduna xisaabta kuma jirto oo waxaa waajib ah in marwalba aad ha'abuur la timaaddo. Haddii aad tahay abwaan ama fannaan, iyana hal'abuurku waa sheyga keliya ee ay dadku kaaga aqoonsan karaan qeyrkaa, inta aad wax curin kartidna ay tahay masaafada idiin dhaxaysa tiigsiga figda sare. Haddii aad tahay qof caadi ah, iyana hal'abuurku waa lagama maarmaan, si noloshaadu u fududaatana, waxa aad u baahantahay in aad carisid maskaxdaada oo aad  hal'abuur la timaadid. Si aynu ugu dhawaanno u jeedka, hala'abuurku muxuu ugu dambeyn tarayaa? Hal'abuurku waxa uu kaa caawinayaa in aad fududeysid wax adkaa, ama aad soo dhaweysid wax fogaa, in aad saxdid wax khaldanaa, ama aad qurxisid, wax foolxumaa, in aad n