Akhriska #CB_Statistics

Su'aal aan weydiiyey asxaabtayda Instagram oo ahayd "Buuggee ayaa ugu dambeeyey ee aad akhrido?", waxaa arkay (seen) illaa 230 oo qof, waxaa ka jawaabay 15 qof (10 rag, 5 dumar) oo keli ah, waxaana ay ila wadaageen buugta ay akhrinayeen.

Marka loo eego inta aragtay su'aasha iyo inta ka jawaabtay waxaa ay ka noqonayaan 6.5%. Waxaa jiri kara dad arkay, akhrisna sameeya balse aanan ka jawaabin.

Marka loo eego dadka baraha bulshada isticmaala oo u badan aqoonyahan, waa tiro aad u yar in dad intaa le'eg ay wax akhrido, dhanka kale marka la'eego wacyiga bulshada, iyo duruufaha nagu xeeran, waa bar billow wanaagsan oo muujinaysa in uu jiro baraarug akhris - haba yaraadee -.

Si aannu kor ugu qaadno wacyiga bulshadeenna iyo muhiimmada akhriska, waa in aannu ka billownaa guryahayaga in wax laga akhriyo, buug la'isu hadyeeyo, ganacsatadu samayso meherado jawi akhris leh, baraha bulshada aan ku wadaagno qormooyin dhiirrigelinaya akhriska, habluhi boorsada ku wataan buug, wiilashuna ku xarragoodaan buug, xitaa in haasaawaha lagusoo daro su'aasha ah "Buuggee akhrinaysaa maalmahaan xabiibi?" - Kollay is deyn maysaan eh... Haddii aydaan heli karin aad buugaag maqal ah(Audio) mobile-ka idiin ku jiraa, balse buug la'aantu noqotaa wax ceeb ah oo laga xishoodo.

Waxaan kusoo gunaanadi, aqoonta maantay dunida taal 12-kii saac oo walbaa waa ay laba jibbaarmaysaa, sida IBM ay saadaalisay marka uu hirgalo nidaamka (Internet Of Things IoT), sidaa awgeed qofkii aanan joogto waxba u akhrin maalinwalba, dunida waa uu ka dhacayaa, xogta uu xambaarsanyahayna waxaa ay noqonaysaa mid dhacday (Expire).

"Haddii aynaan waxba akhrin, qolo wax soo akhrisay baa inta na akhrida, kadibna waxa ay rabto nagu akhrin doonta".

Faafi

#CB_Statistics
Igala soco Instagram @Abdallahbotan

Comments

Film-ka Mine & Dhalinyarada Aqoonyahanka maxay isaga egyihiin (Faallo)

Sida sawirka idinkaga muuqata, waxaad aragtaa askari Maraykan ah, magiciisu waa Mike, waxaa uu dhafoorka iska saaray baaskoolad, isagoo raba inuu is dilo. Askarigan waa baydari ama shiishyahan loosoo asteeyey shaqo ah inuu Ciraaq ku dilo nin ay aad udoonaysay dowladda Maraykanka. Shaqadii loo igmaday ayaa fashilmatay kadib markii ay seegeen yoolkoodii, waxaana ay usoo carareen meel ay ku gabbaadaan isaga iyo askari saaxiibkiis ah. Waxaana ay si kadis ah kusoo galeen dhul saxare ah oo wada miinaysan, saaxiibkiis ayaa miino ku istaagay, kadibna way ku qaraxday, lugna waa ay goysay. Isaguna waxaa uu ku istaagay miino kale. Waxaa uu la xiriiray kooxdii badbaadin lahayd ee meesha keentay, waxaana loo sheegay in muddo 52 saacadood ay ku qaadanayso in loo yimaado. Waxaa uu isku dayey inuu kala furo miinadii, waana uu ku fashilmay, nafsaddiisina waa ay is dhiibtay, waxaana la foolxumaatay inuu si foolxun ugu dhinto saxaraha, waxaa maskaxdiisa hor imaanayey farriimo xusuus ah isagoo qo...

Naftii hure Bani Aadantinimo!

(Sawirku waa Ardeydii Jaamacadda Kaloombiya oo gadoodsan) Maxay la biqi waayeen de’yarta Reer Galbeed ee isugu soo baxay in ay dowladohooda ku cadaadiyaan in ay hor istaag ku sameeyaan gabood-fallada ka socda Qasa? De’yartan oo u badan dadkii dhashay 1997 (Gen Z), waxaa la sheegaa in ay yihiin jiilkii ugu ballaarnaa ee aanan wax diin ah haysan (religiously unaffiliated) iyadoo saddex meelood aysan wax diin ah ku suntanayn, dhanka kale waa jiil hanaqaaday xilli Galbeedku ay si ba’an u caabudaan duunyada oo ka dhalatay nidaamka hantigoosadka ah ee lagu kala tagay. Labadaa oo la isku daray waxaa misana yaab leh nin aanan diin haysan, duunyana lagu anqariyey, sababta uu diyaar ugu noqday in uu aayihiisii dhammaa u huro u qareemidda Carab joogta Bariga dhexe oo muddo dheer laga gadayey in ay yihiin cawaan xagjir ah?! Waxa ay ila tahay in sababtu tahay dhowr qodob Koow: Warbaahinta Galbeedka oo ahayd mid gadi jirtay hal sheeko oo ah in Israa’iil tahay dimuquraadiyadda keliya ee ca...

Afgambiga Trump!

(Bidix) Elon Musk, Trump (Midig) Madaxweynaha Mareykanka ayaa waajahaya garab la'aantii ugu cusleyd ee siyaasadeed ee kaga timaadda gudaha Mareykanka, kadib markii ay si foolxun ku dhamaatay wada shaqeyntii saaxiibkii Elon Musk oo ahaa lafdhabarta guusha Trump uu ku gaaray in uu dib u hanto kursiga laga xukumo Aqalka Cad ee Mareykanka. Arrintan ayaa kusoo aadeysa xilli uu Mareykanku waajahayo cadaadisyo dhaqaale, kuwo xulufo, kuwo saameyneed, ayna u dheertahay in baqdin weyn laga qabo in uu dagaal sokeeye ka dillaaco gudaha Mareykanka. Heshiiskii uu la galay Xuutiga, gacma ka laabashadii Yukreyn, laba bogleyntii canshuuraha uu kusoo rogay dalalka Mareykanka wax keena iyo kor u qaadiddii saqafka deynta oo uu gaarsiiyey 5 jibbaar halkii horey u joogtay, taas oo hal bacad lagu lisay ma dhigtay dedaalkii xoogganaa ee waaxdii uu hoggaaminayey Musk, DOGE, oo hoos u dhigtay deyntii sannad walba ku kordhi jirtay wadarta guud ee deymaha Mareykanku qaadan jiray, waana halka ay ku kala dhaq...

Search This Blog