"Ka aamuska qadiyadaha ay indheer-garaadka waa u liidnimo". Erogan waxa uu dabbaqay derejadii 2aad ee uu xadiisku sheegay "Haddii aadan awoodin xumaha in aad gacan ku bedeshid, af ku bedel". Waxa uu dunida tusay, inta Yuhuuddu 1967 dhulkay boobeen ahaa iyo maantay sida ay dhulkii Reer Falastiin u liqeen. Maantay waxa uu gutay amaano saarnayd dalkiisa, dadkiisa, qadiyadaha diiniga ah iyo kuwa aadantinimo. Taas waxa uu ku mutaystay naftiisu in ay gobanimo ku dhaqaaqday, dalkiisana geesinimo looga aqoonsaday, ummadana hoggaamintiisa wada qirtay, aadnuhuna - xitaa cadowgiisa, ay nin mowqif leh u qirsanyihiin.
Marka aannu tan dalkeenna usoo noqonno, waxaadba moodda in tabta Reer Falastiin ay nagu socoto, heer aan gaarnayba in waxba aysan na diirin oo iska daa in aan heerka labaad iyo hadal tagno eh, ayba u egtahay tii 3aad ee la liiday in aan kasii hoos marnay "Uurka ka nac, iimaanka waa inta ugu liidata". Waxaana taas u daliil ah in gunnimada nagusii baahaysaa ay qaarkeen leeyihiin,"Ar sidaana kheyrku ku jiraa, ma innagaa wax intaa ka fiican heli karna? Ma innagaa wax qabsan karna? Iska daaya aadnuhu haka faa'iideysteen". Taariikhda fog iyo midda cusubba waxay isla qirtay in gunnimo diidnimadu ay tahay ka dhiidhinta xadgudub lagula kacay lama-taabtaannada jiritaankaaga laf-dhabarta u ah. Mana jiro lama-taabtaan ka mugweyn naftaada iyo waxa ay jiritaankeeda aasaaska u ah sida afkaaga, dhulkaaga, dhaqankaaga iyo sooyaalkaaga. Intunba gor-gortan ma geli karto, mana aha aha wax lagaba wada hadli karo in lagaala gorgortamo.
Marka laga tago taariikhda tagtada ee wehelka u ah aadanaha oo marka uu milicsado uu aamino cida uu yahay meesha uu leeyahay sida uu unoolaa balse aan fiirino afka,dhaqanka,diinta iyo dhulka afartan lama taabtaan ka ah ee ugu milgaha iyo sharafta badan waxaa ugu danbeeyey ee gorgortan galay dhulka tanina waxay ku tusaysaa in aan joogno heerka ugu dambeeyey ee tirtirka noole meel ku nool lagu sameeyo.
ReplyDeleteIntaas qof walba oo soomaali ah waa uu ka marag kacayaan balse hididiilada iyo dhaqdhaqaaqa midnimo iyo gobanimo u dirir ayaa ah mid lamarin habaabiyey oo lagu soo hibsaday god-dheer oo aan horay looga soo laaban karayn .
ReplyDeleteMarka tani kuma xuma "af wax cumay xishoo" ,"Nin waxlasiiyey loo tali".