Skip to main content

Faallo "Nin jilicsan baad tahay".

Related image
Waa erey adag in nin raga lagu yiraah. Soomaalida dhexdeedana, waa kala dhimasho, shakhsiga aad ula bareertidna waxaa macquul ah in uu kuu gacan qaado. Af-gobaadsiga, xigmadda, erey doorashada iyo hufnaanta oo dhan waxaa halbeeg inoo ah Suubbaneheennii (ﷺ). Ereygan isaga ah in uu ku dhoho saaxiibkiis Abi Darr ma ahayn liidid ee waxa ay ahayd naxariis, damqasho iyo in uu badbaado la jeclaa. Abi Darr markii uu weydiistay in uu xil u magacaabo Nabigu (ﷺ) runta ayuu u sheegay, intaana ugama harin eh, waxa uu u raaciyey sababta uu uga turay culayska xilku leeyahay. Waxa uu u sheegay in ay tahay qaan, in ay tahay shallayto iyo gunnimo ciddii ku ceebowda gudashadeeda.
"Faraska ku kufa Iiraan, waxaa la'iweydiin doonaa Cumaroow, maxaad jidka ugu hagaajin weyday?" Cumar Binu Khaddaab (RC) ayaa yiri sidaas. Waa raggii fahmay qaanta culayskeeda.

Imika waxayba iska noqotay Suud soo gado, xayeysiis samayso, odayaasha qado ugu yeer, igu sawirta ha illaawin, yaana lagaa been badnaanin (ballan-qaadyada), marka aad soo baxdidna, shayaadiin dad isusoo ekeysiiyey baa kuu imanaya "War meesha intaad joogtid wax ka qabso - Alyacnii wax boob والعياذ بالله". Ma jirto cid oranaysa xilka aad rabtid aqoon ma u leedahay? Karti ma u leedahay? Shaqooyinka la'iska rabo khibrad ma u leedahay? Qadadaas un baa kala ridaysa dadkii. Waaba ninka nagu jiray baa qaar leeyihiin.

Innagii baa ka darnay, waliba dadkeennii aqoonta lahaa, inkastoo aqoonta lagu fasiray in ay tahay mid wax xoraysa, oo qofka kala garan siisa in aanu u sacabbo-tumin cid aanan mudnayn, waana kuwada jirnaa eh. Qofkii wax dhacayey ee dal iyo duunyaba daliiqaayey baad arki qaarkeen oo qalin, qowl iyo qadaadiic ku difaacaya "Waa mahdigii, kheyr ka horreeyeyba lama arag. ... waxaasay dhah-dhahaan". Marka ay jidbadu ka jabto ayun buu ku oran "War ninyahow sidaani si ma aha.."

Aannu karti u yeelanno in aannu qofka aan ognahay in aanu gudan karin xilka culayskiisa ku niraah "Nin jilicsan baad tahay". Ceeb ma aha ee waa u turid iyo tolnimo tii ugu sarreysay. Ina adeerka dhabta ahna waa kan ay ku weyntahay adduunkaaga oo aan kugu hurin iyo aakhiradaada oo aadan ku gumoobin.



Jimcadii isku caddeynta

Comments

Post a Comment

Popular posts from this blog

Film-ka Mine & Dhalinyarada Aqoonyahanka maxay isaga egyihiin (Faallo)

Sida sawirka idinkaga muuqata, waxaad aragtaa askari Maraykan ah, magiciisu waa Mike, waxaa uu dhafoorka iska saaray baaskoolad, isagoo raba inuu is dilo. Askarigan waa baydari ama shiishyahan loosoo asteeyey shaqo ah inuu Ciraaq ku dilo nin ay aad udoonaysay dowladda Maraykanka. Shaqadii loo igmaday ayaa fashilmatay kadib markii ay seegeen yoolkoodii, waxaana ay usoo carareen meel ay ku gabbaadaan isaga iyo askari saaxiibkiis ah. Waxaana ay si kadis ah kusoo galeen dhul saxare ah oo wada miinaysan, saaxiibkiis ayaa miino ku istaagay, kadibna way ku qaraxday, lugna waa ay goysay. Isaguna waxaa uu ku istaagay miino kale. Waxaa uu la xiriiray kooxdii badbaadin lahayd ee meesha keentay, waxaana loo sheegay in muddo 52 saacadood ay ku qaadanayso in loo yimaado. Waxaa uu isku dayey inuu kala furo miinadii, waana uu ku fashilmay, nafsaddiisina waa ay is dhiibtay, waxaana la foolxumaatay inuu si foolxun ugu dhinto saxaraha, waxaa maskaxdiisa hor imaanayey farriimo xusuus ah isagoo qo...
Post a Comment
Read more

Naftii hure Bani Aadantinimo!

(Sawirku waa Ardeydii Jaamacadda Kaloombiya oo gadoodsan)  Maxay la biqi waayeen de’yarta Reer Galbeed ee isugu soo baxay in ay dowladohooda ku cadaadiyaan in ay hor istaag ku sameeyaan gabood-fallada ka socda Qasa? De’yartan oo u badan dadkii dhashay 1997 (Gen Z), waxaa la sheegaa in ay yihiin jiilkii ugu ballaarnaa ee aanan wax diin ah haysan (religiously unaffiliated) iyadoo saddex meelood aysan wax diin ah ku suntanayn, dhanka kale waa jiil hanaqaaday xilli Galbeedku ay si ba’an u caabudaan duunyada oo ka dhalatay nidaamka hantigoosadka ah ee lagu kala tagay. Labadaa oo la isku daray waxaa misana yaab leh nin aanan diin haysan, duunyana lagu anqariyey, sababta uu diyaar ugu noqday in uu aayihiisii dhammaa u huro u qareemidda Carab joogta Bariga dhexe oo muddo dheer laga gadayey in ay yihiin cawaan xagjir ah?! Waxa ay ila tahay in sababtu tahay dhowr qodob  Koow: Warbaahinta Galbeedka oo ahayd mid gadi jirtay hal sheeko oo ah in Israa’iil tahay dimuquraadiyadda keliya ee ca...
Post a Comment
Read more

Afgambiga Trump!

(Bidix) Elon Musk, Trump (Midig) Madaxweynaha Mareykanka ayaa waajahaya garab la'aantii ugu cusleyd ee siyaasadeed ee kaga timaadda gudaha Mareykanka, kadib markii ay si foolxun ku dhamaatay wada shaqeyntii saaxiibkii Elon Musk oo ahaa lafdhabarta guusha Trump uu ku gaaray in uu dib u hanto kursiga laga xukumo Aqalka Cad ee Mareykanka. Arrintan ayaa kusoo aadeysa xilli uu Mareykanku waajahayo cadaadisyo dhaqaale, kuwo xulufo, kuwo saameyneed, ayna u dheertahay in baqdin weyn laga qabo in uu dagaal sokeeye ka dillaaco gudaha Mareykanka. Heshiiskii uu la galay Xuutiga, gacma ka laabashadii Yukreyn, laba bogleyntii canshuuraha uu kusoo rogay dalalka Mareykanka wax keena iyo kor u qaadiddii saqafka deynta oo uu gaarsiiyey 5 jibbaar halkii horey u joogtay, taas oo hal bacad lagu lisay ma dhigtay dedaalkii xoogganaa ee waaxdii uu hoggaaminayey Musk, DOGE, oo hoos u dhigtay deyntii sannad walba ku kordhi jirtay wadarta guud ee deymaha Mareykanku qaadan jiray, waana halka ay ku kala dhaq...
Post a Comment
Read more