Silsiladdii Daaca-Qurun - Qeybtii 3aad

"Quraan Alif ka khaldamay, al-baqra lagama saxo". Sideedaba haddii aasaasku kharribanyahay, wax saxan in ay yimaadaan lagama yaabo. Dhanka kale, waxaa jirta xeer Fiqiga Islaamiga ah kamid ah oo oranaya "Wixii been lagu dhisay waa been". Sidaa awgeed, waxa aan si kalsooni ku dheehantahay oran karaa "Waxaa naga wareersan waa aasaaska dhan walba oo wax laga dhisi lahaa. Waxaana la'iskugu wareersanyahay baa ah in aanay jirinba wax aan ku kala baxno." Si marka aannu taa uga gudubno, waxa aan isku taxlujinayaa in aan dhidibbada u dhigo arrimo aasaasi ah aniga oo samaynaya qeexitaanno, misana ku laraya - sidii aan horayba u ballanqaaday, aragtidii SWOT. Aan ku billaabee maxay baannu innagu nahay? Soomaali: Waa qowmiyad degta geeska Afrika oo leh dhaqan, af iyo diin mid ah. Sidoo kale waa qowmiyad u kala baxda qabaa'il, midab iyo muuqaalkana si weyn isaga mid ah. Dhulka: Dhulka Soomaalidu waa dhul isugu jira mid ay iyagu si madax bannaan u leeyihiin iyo mid dowladaha deriska ah ay boob ku haystaan dadkiisa iyo dhulkaba, waxaana uu u saaxiib yahay xeebta ugu dheer ee Geeska Afrika. Sooyaal: Soomaalidu waa qowmiyad fac weyn, waxaana ay leeyihiin dhaqan iyo sooyaal aad u fog. Inkastoo ay u badantahay taariikhdoodu mid aanan qornayn, misana waxaa ay si xooggan uga dhex muuqdeen xadaaradihii ka jiray Afrika, gaar ahaan xadaaraddii Fircooniyiinta. Qormada xigta waxa aan ku qaadaa dhigi doonaa nidaamka Siyaasiga ah ee dalka ka jira maantay. Waxa aanna saari doonaa SWOT si ay noogu iftiinto waxa cidda aan sugayno halka ay noo waddo iyo sida ay wax u waddo.