La qabsiga dhibta

"Taabashada badan waxay lumisaa dareenka" ~ Maahmaah Carabi ah

Dowladnimadii baa burburtay, waan la qabsannay.

Haybaddii qarannimo baannu weynay, gunnimo baannu aqbalnay.

Qoxootiyaal baa la galay, inyar ma ahee, cayr sugeyaal kaamam qurbaha ku xareysan baa dadkeenni noqdeen. La qabsannay.

Dowladnimo lagu dhisay wixii na burburiyey baannu isku qancinnay, waxna waa jiraan, waxna ma jiraan. Waa "ila meereyso".

Kuwa dalka jooga waxaa guraya gaajo, jahli. Waxaa indho tiray qabyaalad.

Dadkayaga badankii waa Reer Miyi, magaalo ku sheegga aannu dhoodhoobnay baa waxweyn la ah. Waxwalba oo baadiyihii dhaama waa janno "Boowe Bari laga reysay, bariis caano leh iyo baasto suugo leh".

Xilalka siyaasaddu waa goob ma shaqeystaha, xaaraan ku naaxa, ganacsadaha dhiig-miirta ah ay heshiis ku yihiin. Qabiilka kursi ka hel, ganacsaduhu haku maalgeliyo, mashaariicdana u saxiix.

Sicir bararku war maleh. Kor wax usocda ma ahee, wax soo qaboobaya maleh. Dadkayagu iyagaa nooc baas ah, kuwa bakhtiinaya iyaga un bay kasoo baxayaan, kii fursad hela kadabkooda ayuu jaraa, inta hoosena waa fursad gaad.

Waxaas oo dhan waxaa asal u ah la qabsiga dhibta, ma jirto cid hadlaysa. Qofkii fursad hela ee xooggan cidna lama hadli karto, kii tabarta yaraana haddii aad iska dhici damacdid "War maskiinka maxaad ka rabtaa dadkoo dhan waa dhiig miiratee, iska daa ha iska qaatee" baa qaar ku oranayaan.

Comments

Film-ka Mine & Dhalinyarada Aqoonyahanka maxay isaga egyihiin (Faallo)

Sida sawirka idinkaga muuqata, waxaad aragtaa askari Maraykan ah, magiciisu waa Mike, waxaa uu dhafoorka iska saaray baaskoolad, isagoo raba inuu is dilo. Askarigan waa baydari ama shiishyahan loosoo asteeyey shaqo ah inuu Ciraaq ku dilo nin ay aad udoonaysay dowladda Maraykanka. Shaqadii loo igmaday ayaa fashilmatay kadib markii ay seegeen yoolkoodii, waxaana ay usoo carareen meel ay ku gabbaadaan isaga iyo askari saaxiibkiis ah. Waxaana ay si kadis ah kusoo galeen dhul saxare ah oo wada miinaysan, saaxiibkiis ayaa miino ku istaagay, kadibna way ku qaraxday, lugna waa ay goysay. Isaguna waxaa uu ku istaagay miino kale. Waxaa uu la xiriiray kooxdii badbaadin lahayd ee meesha keentay, waxaana loo sheegay in muddo 52 saacadood ay ku qaadanayso in loo yimaado. Waxaa uu isku dayey inuu kala furo miinadii, waana uu ku fashilmay, nafsaddiisina waa ay is dhiibtay, waxaana la foolxumaatay inuu si foolxun ugu dhinto saxaraha, waxaa maskaxdiisa hor imaanayey farriimo xusuus ah isagoo qo...

Naftii hure Bani Aadantinimo!

(Sawirku waa Ardeydii Jaamacadda Kaloombiya oo gadoodsan) Maxay la biqi waayeen de’yarta Reer Galbeed ee isugu soo baxay in ay dowladohooda ku cadaadiyaan in ay hor istaag ku sameeyaan gabood-fallada ka socda Qasa? De’yartan oo u badan dadkii dhashay 1997 (Gen Z), waxaa la sheegaa in ay yihiin jiilkii ugu ballaarnaa ee aanan wax diin ah haysan (religiously unaffiliated) iyadoo saddex meelood aysan wax diin ah ku suntanayn, dhanka kale waa jiil hanaqaaday xilli Galbeedku ay si ba’an u caabudaan duunyada oo ka dhalatay nidaamka hantigoosadka ah ee lagu kala tagay. Labadaa oo la isku daray waxaa misana yaab leh nin aanan diin haysan, duunyana lagu anqariyey, sababta uu diyaar ugu noqday in uu aayihiisii dhammaa u huro u qareemidda Carab joogta Bariga dhexe oo muddo dheer laga gadayey in ay yihiin cawaan xagjir ah?! Waxa ay ila tahay in sababtu tahay dhowr qodob Koow: Warbaahinta Galbeedka oo ahayd mid gadi jirtay hal sheeko oo ah in Israa’iil tahay dimuquraadiyadda keliya ee ca...

Afgambiga Trump!

(Bidix) Elon Musk, Trump (Midig) Madaxweynaha Mareykanka ayaa waajahaya garab la'aantii ugu cusleyd ee siyaasadeed ee kaga timaadda gudaha Mareykanka, kadib markii ay si foolxun ku dhamaatay wada shaqeyntii saaxiibkii Elon Musk oo ahaa lafdhabarta guusha Trump uu ku gaaray in uu dib u hanto kursiga laga xukumo Aqalka Cad ee Mareykanka. Arrintan ayaa kusoo aadeysa xilli uu Mareykanku waajahayo cadaadisyo dhaqaale, kuwo xulufo, kuwo saameyneed, ayna u dheertahay in baqdin weyn laga qabo in uu dagaal sokeeye ka dillaaco gudaha Mareykanka. Heshiiskii uu la galay Xuutiga, gacma ka laabashadii Yukreyn, laba bogleyntii canshuuraha uu kusoo rogay dalalka Mareykanka wax keena iyo kor u qaadiddii saqafka deynta oo uu gaarsiiyey 5 jibbaar halkii horey u joogtay, taas oo hal bacad lagu lisay ma dhigtay dedaalkii xoogganaa ee waaxdii uu hoggaaminayey Musk, DOGE, oo hoos u dhigtay deyntii sannad walba ku kordhi jirtay wadarta guud ee deymaha Mareykanku qaadan jiray, waana halka ay ku kala dhaq...

Search This Blog