Aqoonyahanka Gaal Ismoodka ah!

Isaac Newton (Google Images)

"َQofka aanan cannayn danaha Muslinka, kama mid aha". ~ Xadiis daciif ah, balse Micnihiisu sax yahay.

Markasta oo aqoonta la sii daba galo, waxaa ay keentaa in qofka uu aad ula falgalo ilbaxnimada, afkaarta, dhaqanka, hal'abuurka, suugaanta, sooyaalka cidda uu ku fogaado dheehashada aqoontooda. Tan iyo intii ay dunida hoggaaminaysay ilbaxnimada Reer Galbeedku, waxaa aqoonyahanka Ummadda Islaamka ah guud ahaan, iyo gaar ahaanba kuwa Soomaalida ah - Haba yaraadeena, jiray saameynta xooggan ee ay soo minguurinta afkaarta shisheeyuhu ku lahayd maskaxdooda. Waana sababta keentay in la arko shakhsiyaad badan oo u xusul duuban afkaaraha kala duwan ee siyaasadeed, kuwa dhaqaale, kuwa hab nololeed, qaarkoodna ay gaareenba in ay dalalkooda fikirkaaga uga sameeyaan ururro, goobo wax barasho, axsaab siyaasadeed, oo qaar dalalkooda ay la wareegeen. Inkastoo arrintan ay u baahantahay faahfaahin ballaaran, misana ujeedkaygu ma aha in aan ku sii fogaado. Keliya waxa aan aad u jeclahay in aan is xusuusinno in afkaaruhu ay ka dhasheen maan-dhuuxid ka dhalatay dhib jirtay, dheef la hiigsanayey, ama dhagar laga gaashaamanayey. Qofwalbana meel kasta ha joogee, waxaa u furan in uu isaguna maankiisa kaashado, kadibna u soo curiyo hal'abuur kala duwan oo ku dhisan duruufaha dadkiisa khuseeya, si aysan u noqon wax lasoo raray oo ummado kale khuseeya, taas oo keentay in aynu aragno dhaqammo gurracan oo dadka wax soo hinjiyey ay bulshadooda ku san dulleynayaan. Haddii aan u noqonno diinteenna macaan, Suubanaheennu waxa uu yiri (Nabadgeliyo iyo naxariis korkiisa ha ahaatee), "Waxa la'isoo saarayba un waa dhammaystirka dhaqammada suubbanaa."

Waxa aan kusoo gunaanadi, aqoonyahankayaga sharafta leh, waxa aan ku xusuusinayaa in aad tahay qofka keliya ee bulshadaada samatabixin kara. Sidaa awgeed, micne badan samayn mayso, haddii aad minguuris keliya bulshadaada aad ku anqarisid. Waxaa lagaaga baahanyahay hal'abuur ku dhisan dhib kamid ah kuwa bulshaada haysta oo u baahan dedaal badan oo jab iyo fashil wata, balse ugu dambeyn ku dhammaanaya natiijo waarta oo ay ku dawoobaan dadkaagu. Ma tihid aqoonyahan heer gaal ismood ah (Caalami) ah. Waxa aad tahay aqoonyahankii waddaniga ahaa ee keeni lahaa fikirkii dadkeennaan ciil tiri lahaa. Waana sida keliya ee aqoonyahanka "caalamiga ah" uu kusoo boxo, waayo ma jiro aqoonyahan u fekera caalamka oo idil waxa dhib haysta, keliya waxaa jira aqoonyahan dadkiisii u fekeray oo fikirkii caalamka loosoo shixnaday.

Comments

Hardanka Puntland: Ballaarinta saamileyda siyaasadda iyo arki jire doon

Inkastoo aanan ogeyn waxa u qarsoon saaxiibbadii shalay/cadowga maanta, misana waxa aan isku dayeynaa in aan akhrinno doodaha miiska saaran, si aan u fahanno waxa kicinka keenay. Tan iyo dhaqaajintii nidaamka axsaabta Puntland, waxaa soo noolaanayey himiladii Reer Puntland ay ka qabeen in dadku codkooda ku doortaan cidda ku meteleysa goleyaasha siyaasadda. Waxa aynnu wada xusuusannaa sida dadku usoo ajiibeen saddexdii degmo ee lagu billaabay nidaamka. Inkastoo haka uu galay dhammaystirka qabsoomidda doorashooyinka degmooyinkii kale ee Puntland, misana dadku waxa ay muujiyeen rabitaan aanan la dhayalsan karin, taas oo aynu wada arkeynay sida dadku u codeyneyeen oo kormeerayaalkii Caalamiga ahaa ay qireen in dadkaanu yihiin kuwo aad mooddo in ay weligood wax dooran jireen. Casharraddii quruxda badnaa ee aynu ka barannay waxaa kamid ahaa murashixiinta ururrada oo wareegaya xaafadaha, qaarkoodna ayba wateen warbaahin soo tebinaysa codsiyada ay bulshada ku weydiisanayeen in ay codkooda si

Waligaa ma isla fariisatay?

Imta meel gaar ah tagtay, shubatay shaah ama cabitaan aad jeceshahay, mala sheekeysatay naftaada? Waa caadada nafta marka ay cidlooto in ceebeheeda iyo gaabiskeeda ay kusoo deg-degaane, inta dhagaha ka laabatay maskaxda maku jiheysatay wixii laandheerenimo ahayd oo aad qeyb kasoo noqotay amaba aad hoggaaminaysay? Wax weynba adigoo aanan raadin ma isasoo xusuusisay iyadoo dadku ay geesaha ka marayaan qof caawimaad u baahan aad keligaa isu xilqaantay gobanimada kaa buuxda awgeed. Ama maalin aad u hiillisay mid walaalkaa ah ama saaxiibkaa ah oo la caddibayo, sida malag lasoo diray inta cirka kasoo degtay, u fidisay gurmad uusan fileyn. Dagaalka nafeed ee qof waajahayo waa kan ka socda labadiisa dhegood dhexdooda (maskaxda), taas oo uu ku rabbeeyo in ay taageeraha u weyn noqoto, ayaa u sahleysa dhammaan dagaallada nololeed ee uu geli doono ka jabo keenideeda. Dadka aadanaha ka xusan ee wax un loogu hirto, waxa ay leeyihiin barbar dhan oo noloshooda kamid ah oo mugdi ah amaba uu gaabi

Ka bad-badintii Puntland lagu aasaasay!

Haddii aan soo koobo, Puntland laba lagu aasaasay. Dadkaa in ay salka dhigtaan iyo in dowladnimo Soomaaliyeed laga shaqeeyo. Marka aad sii eegtid xaal sida uu ahaa, qodobka 2aad ka badbadin baa lagu tilmaami karaa. Dad iyaguba soo qaxay oo wax badanna ku dhex labanyihiin in ay sidaa u fekeraan, waa waalli cas. Yeelkeede, la gaar dowladnimadii, maantana dalku waa isku aaddanyahay, waxa khaldanna waa nin howshiisii dayacay. Aasaaseyaashii Puntland waxaa qeyb ka ahaa dhaqankii oo badankood ah rag dhaxal ku yimid baa inoo jooga. Sideedana dhaqan waxaa kaalintiisu tahay arrin qabiil la xiriirta. Mana rumeysni qodobkaa ka badbadinta aan kusoo tilmaamay in ay iyaga ka timid. Haatan, Puntland mar walba oo wax dowladnimada la xiriira adkaato, ma saxbaa in dhaqanka lasoo geliyo? Haddiiba lasoo geliyeyse, dhaqanku awood ma u leeyihiin in ay arrin siyaasi ah furdaamiyaan? Anigu waxa aan qabaa malaha dhaqankeennu awooddaas. Eeg, waxa aan ka hadlayo waa awood, kama hadlayo odeyeyn iyo xaal mastu

Search This Blog