Waligaa ma isla fariisatay?

 

Imta meel gaar ah tagtay, shubatay shaah ama cabitaan aad jeceshahay, mala sheekeysatay naftaada?

Waa caadada nafta marka ay cidlooto in ceebeheeda iyo gaabiskeeda ay kusoo deg-degaane, inta dhagaha ka laabatay maskaxda maku jiheysatay wixii laandheerenimo ahayd oo aad qeyb kasoo noqotay amaba aad hoggaaminaysay?

Wax weynba adigoo aanan raadin ma isasoo xusuusisay iyadoo dadku ay geesaha ka marayaan qof caawimaad u baahan aad keligaa isu xilqaantay gobanimada kaa buuxda awgeed. Ama maalin aad u hiillisay mid walaalkaa ah ama saaxiibkaa ah oo la caddibayo, sida malag lasoo diray inta cirka kasoo degtay, u fidisay gurmad uusan fileyn.


Dagaalka nafeed ee qof waajahayo waa kan ka socda labadiisa dhegood dhexdooda (maskaxda), taas oo uu ku rabbeeyo in ay taageeraha u weyn noqoto, ayaa u sahleysa dhammaan dagaallada nololeed ee uu geli doono ka jabo keenideeda.

Dadka aadanaha ka xusan ee wax un loogu hirto, waxa ay leeyihiin barbar dhan oo noloshooda kamid ah oo mugdi ah amaba uu gaabis ka jiro, taas uma diidin in ay ku tallaabaan waxaa ay ku tanaadeen, waxaana u sahlay taas in maskaxdoodu ay ku foogganayd taageerada ay u fidinayso si qofku ugu guuleysto himiladiisaa uu u heellanaa.

Si haddaba wax un aad ugu guuleysato, mar mar la fariiso naftaada oo ka sheekeyso laandheerenumooyinkii aad soo hormarsatay iyo waxa laandheerenimooyin kale oo ku sugaya si aaad ugu guuleysato.

Adoo quwaddaadu dhantahay, naftaada ha quusin.
لا تقنطو من رحمة الله